66

"O but I'm weary o' wandering!

O but my fortune is bad!

It sets na the Duke o' Gordon's daughter

To follow a soldier lad.

"O but I'm weary o' wandering!
O but I think lang!

It sets na the Duke o' Gordon's daughter
To follow a single man."

When they cam' to the Highland hills,
Cauld was the frost and snow;
Lady Jean's shoon they were a' torn,
She could nae farther go.

"O wae to the hills and the mountains!
Wae to the wind and the rain !
My feet is sore wi' ganging barefoot,
Nae farther am I able to gang.

"Wae to the hills and the mountains!
Wae to the frost and the snow!

My feet is sore wi' ganging barefoot,
Nae farther am I able for to go.

"O, if I were at the glens o' Foudlen, Where hunting I hae been,

I could find the way to bonnie Castle-Gordon Without either stockings or shoon."

When she cam' to Castle-Gordon,
And down upon the green,

The porter gave out a loud shout,
"O yonder comes Lady Jean!"

"O you are welcome, bonnie Jeanie Gordon, You are dear welcome to me;

You are welcome, dear Jeanie Gordon,
But awa' wi' your Captain Ogilvie !"

Now over seas went the Captain,
As a soldier under command;
A message soon followed after,

To come and heir his brother's land.

"Come home, you pretty Captain Ogilvie,
And heir your brother's land;

Come home, you pretty Captain Ogilvie,
Be Earl of Northumberland.”

"O what does this mean?" says the Captain, 66 Where's my brother's children three?" "They are dead and buried,

And the lands they are ready for thee."

"Then hoist up your sails, brave captain! And let's be jovial and free;

I'll to Northumberland, and heir my estate, Then my dear Jeanie I'll see."

He soon cam' to Castle-Gordon,
And down on the green cam' he ;
The porter gave out wi' a loud shout,
"Here comes Captain Ogilvie !"

"You're welcome, pretty Captain Ogilvie!
Your fortune's advanced, I hear;

Nae stranger can come into my gates,
That I do love sae dear."

"Sir, the last time I was at your gates,

You would not let me in;

I'm come for my wife and children,
No friendship else I claim."

"Come in, pretty Captain Ogilvie,

And drink o' the beer and the wine;
And thou shalt have gold and silver,
To count till the clock strike nine."

"I'll hae nane o' your gold and silver,
Nor nane o' your white monie ;
But I'll hae bonny Jeanie Gordon,
And she shall go now wi' me."

Then she cam' tripping down the stair,

With the tear into her e'e;

One babe was at her foot,
Another upon her knee.

"You're welcome, bonnie Jeanie Gordon,

Wi' my young family;
Mount and go to Northumberland,

There a Countess thou shalt be."

VOL. II.

T

ERLINTON.

FROM the "Minstrelsy of the Scottish Border." Sir Walter Scott, in his introductory notice, states that it is "published from the collation of two copies, obtained from recitation."

RLINTON had a fair daughter,

I wat he weird her in a great sin,*
For he has built a bigly bower,
An' a' to put that lady in.

An' he has warn'd her sisters six,
An' sae has he her brethren se'en,
Outher to watch her a' the night,

Or else to seek her morn and e'en.

She hadna been i' that bigly bower,
Na not a night, but barely ane,
Till there was Willie, her ain true-love,
Chapp'd at the door, cryin', "Peace within!"

"O whae is this at my bower door,

That chaps sae late, or kens the gin?"

"O it is Willie, your ain true-love,

* Placed her in danger of committing a great sin.

"But in my bower there is a wake,
An' at the wake there is a wane;

But I'll come to the greenwood the morn,
Whar blooms the brier by mornin' dawn."

Then she's gane to her bed again,

Where she has lain till the cock crew thrice, Then she said to her sisters a',

66

'Maidens, 'tis time for us to rise."

She pat on her back a silken gown,
An' on her breast a siller pin,
An' she's tane a sister in ilka hand,
An' to the greenwood she is gane.

She hadna walk'd in the greenwood,
Na not a mile but barely ane,
Till there was Willie, her ain true-love,
Whae frae her sisters has her ta'en.

He took her sisters by the hand,

He kiss'd them baith, an' sent them hame, An' he's ta'en his true-love him behind,

And through the greenwood they are gane.

They hadna ridden in the bonnie greenwood, Na not a mile but barely ane,

When there came fifteen o' the boldest knights, That ever bare flesh, blood, or bane.

The foremost was an aged knight,
He wore the gray hair on the chin,
Says, "Yield to me thy lady bright,
An' thou shalt walk the woods within."