THE LASS THAT MADE THE BED TO ME.

TUNE- The Peacock.

Among the songs contributed for Johnson's fifth volume, and which appeared in it, was one entitled The Lass that made the Bed to Me. Burns had found a rude and licentious old ballad under this title, had put it through his refining alembic, and brought it out a fine rich narrative song, but still too warm in its coloring for modern delicacy. He afterwards still fur ther purified it, as follows.

WHEN winter's wind was blawing cauld,
As to the north I bent my way,
The mirksome night did me enfauld,
I knew na where to lodge till day.

A charming girl I chanced to meet,
Just in the middle o' my care,

And kindly she did me invite

Her father's humble cot to share.

Her hair was like the gowd sae fine,
Her teeth were like the ivorie,

Her cheeks like lilies dipt in wine,
The lass that made the bed to me.

Her bosom was the drifted snaw,
Her limbs like marble fair to see;
A finer form nane ever saw

Than hers that made the bed to me.

She made the bed baith lang and braid,
Wi' twa white hands she spread it down,
She bade "Guid-night," and smiling said,
"I hope ye'll sleep baith saft and soun'"

Upon the morrow, when I raise,

I thanked her for her courtesie; A blush cam o'er the comely face Of her that made the bed for me.

I clasped her waist and kissed her syne;
The tear stude twinkling in her e'e;
O dearest maid, gin ye'll be mine,
Ye aye sall mak the bed to me."

THE HIGHLAND LADDIE.

TUNE-If thou'll play me fair play.

"Compiled by Burns from some Jacobite verses, entitled The Highland Lad and the Lowland Lassie.” STENHOUSE.

THE bonniest lad that e'er I saw,
Bonny laddie, Highland laddie,
Wore a plaid, and was fu' braw,
Bonny Highland laddie.

On his head a bonnet blue,

Bonny laddie, Highland laddie,
His royal heart was firm and true,
Bonny Highland laddie.

Trumpets sound, and cannons roar,
Bonny lassie, Lowland lassie,
And a' the hills wi' echoes roar,
Bonny Lowland lassie.
Glory, honour, now invite,

Bonny lassie, Lowland lassie,
For freedom and my king to fight,
Bonny Lowland lassie.

The sun a backward course shall take,
Bonny laddie, Highland laddie,
Ere aught thy manly courage shake,
Bonny Highland laddie.

Go! for yourself procure renown,

Bonny laddie, Highland laddie, And for your lawful king his crown, Ronny Highland laddie.

SAE FAR AWA'.

TUNE-Dalkeith Maiden Bridge.

O SAD and heavy should I part,
But for her sake sae far awa',
Unknowing what my way may thwart,
My native land sae far awa'.
Thou that of a' things Maker art,

That formed this Fair sae far awa', Gie body strength, and I'll ne'er start At this my way sae far awa'.

How true is love to pure desert,
So love to her sae far awa',
And nought can heal my bosom's smart,
While, oh, she is sae far awa'.

Nane other love, nae other, dart,

I feel, but hers sae far awa',
But fairer never touched a heart,
Than hers the Fair, sae far awa'.

I'LL AYE CA' IN BY YON TOWN.

I'LL aye ca' in by yon town,

And by yon garden green again;

I'll aye ca' in by yon town,

And see my bonny Jean again.

There's nane sall ken, there's nane sall guess, What brings me back the gate again,

But she my fairest faithfu' lass,

And stowlins we sall meet again. stealthily

She'll wander by the aiken tree,
When trystin' time draws near again,

And when her lovely form I see,

O haith! she's doubly dear again.

faith